Orang sohoTelipot jame dulu.

Dulu kalu sebut nama muloh ayah ambo dan muloh che ambo ni, semo ore kenal.

Ore have have jame tu.

Gemuloh doh lo ni.

Demo dua tu, sgt tegas pasal peel perangai anak2.

Muloh che hok bekeng pada muloh ayah.

Muloh ayoh loving sgt...
Buke ambo jah takut ko muloh che, muloh ayoh pun takut!
Kae ayoh kae....

Muloh che petuk ambo ni, nya uli, nya didik buke main lagi.

Seleheng sokmo ambo dgn muloh che mugo che ambo ore bekeng dan
ambo ni peel x comei lah mana.

Tok selari sokmo la, ambo kena pulas kecik di perut sokmo!

Pedih tau! Tapi tak serik gak mugo jenis degil jak budak.

Ore gaji, dreba, pekerja2 dia semo takut ngeri ko muloh che.

Muloh che ni ore ada kelas, jangok habih te.

Saing2 dia set2 ore hebat kota bharu dulu.
Kalu nak gi funtion gapo2 geng dia gak gi set rambut di saloon lah.
Ambo nak sentuh dia pun takut, takut kedut baju dia tuh.

Muloh che pandai saing, pandai bawak diri, ada kelas tersendiri gitu,
Dia bekeng dgn ambo jah, dgn gu2 dia, dia tertib terning.

Dia pandai masuk majlis dan selalu hadir majlis dinner di istana.

Ambo tak nurun dia sikit habuk!

Jame kecik dulu ambo kena marah sokmo.
Dia nak anak dia juruh peel perangai, kita nya caro ko nak lete angin dia jah.

Kena ngepek tu kira supo make nasik, hari2 kena.

Muloh che ambo nak ambo pandai bawak diri kalu saing2 dia mari rumah.

Kena juruh

Kena kecek taktor molek

Kalu silap gak, che kreling jah.

Kecut perut tgok jelingan che.

Bila ore kelik pahni siap laa...

Kalu tak kena ngepek, kena piat.
Contoh gini lar,

Kalu ada ore di pitu wi salam..

Che pese suh oyak..

"Seleke masuk dale la..."

Ambo oyak ..

"Naik lah!"

Yakkk...ayat mulo2 saloh gear doh ambo nih.

Mujur Che x dgr.

Tamu tanya gapo2, kalu tak tau muloh che pese suh jawap " pekso jugak, tak cherak tu."

Ambo jawap " tak hau"

Haduh, salah mulut lagi nih!

Che tgok ko ambo dgn pandangan " if looks can kill"

Hahaha..tu jame kecik lah.

Lo ni tua gerdo doh, ajaran muloh che kemas dale hati.

Masih cuba jadi supo che walau tak kan jadi sebaik che.

Lo ni nak ajar anak cucu pulak la.

Bia jadi juruh.

Bia tertik terning supo muloh che.

Anak cucu wei,

Tok leh tertik terning supo muloh che, juruh serupo mummy ni tak po doh..!

Yak bokte, acu tgok tuh...

Nya pakat jebeh bila ambo kata ambo juruh..

Buke juruh sengoti eh ambo nih?

Semoga roh kedua arwah ayoh dan che yg sangat saya sayangi ditempatkan bersama orang2 yang beriman.Al fatihah.